مش هاشحت الحب منك
ولا هاتحايل عليك
ولااقولك علشان خاطرى
مش لعبه أنا بين إيديك
وقت ماتحب تجربها
ولا وقت ماتقولى تعالي
أجرى وأقول لك شبيك
فينها أشواق المشاعر
فين الحب اللي ف عنيك
كنت زمان ليا بتتمنى
والعشق كان شوق يرويك
بس مشاعرك صبحت جامده
تشبه نوع فرش الألوان
وقت ماتحس بتغير
تتبدل مع كل أوان ؟؟
تتحول ذي الفصول
خريف وربيع وكلام أوهام
بتحبنى وقت الفيضان
وتسبنى وقت النسيان
مره تعيش قلبي في حيرة
ومره تسيبنى للهزيان
ولما أقولك أنا فين منك
تتحج بظروف وكلام
وتقولي دا كان غصب عنك
وإنك محزون أوندمان
مابقاش يوصلنى إحساسك
ولهفة قلبك كل أوان
بس خلاص شفيت من حبك
وقلبي غير لي العنوان
إبعد عنى إعمل معروف
فيه غيرى ويتمنى ألوف
مش راح أعيش تانى الهزيان
طلعتك من كل حياتى
من قلبي ونبض الشريان
مش هاشحت الحب منك
ولا هتحايل وأنت جبان
ولا أقولك علشان خاطرى
قلبي في حبك تاه توهان