بَسهر للفجر
لا بكلّم حَد
ولا عايز حَد يكلّمني
بتئلِمني
بقفل وأغيب
ولا حد فـ يوم لاحظ غيبتي
مُفتقد الناس
ومَعنديش حَد يطمّني
أو حد فـ مرة يقول مالَك؟
والنيّة تكون ..
“عندُه استعداد يسمع منّي”
*****
بَسهر للفجر
وبخاف لو حَد يكلّمني
وبحس ان انا مُفتقد النُطق
وكأن العالم حواليّا
بيدور وببُطء
بتلخبَط .. وأرُد ملخبَط
وبحس بإني خلاص عاجز
بيني وبينهُم برّة حدودي
بقى فيه حاجز
علشان أطلع
مَبقاش الأمر عايزلُه قَرار
ده عايزني اتشجّع
وأجازف
أنا نفسي أعيش زَيّكوا لَكن؟
“جوّايا شعور دايمًا خايف”